umahe wong jawa

Selasa, 10 Desember 2013

Babad Tulungagung

Dhuk ing uni wonten paguruan Pacet (Majapahit ), paguruan punika kasebat paguruan Pacet amargi dwijonipun paguruan inggih punika Kyai Pacet. Kyai Pacet ngajaraken ilmu aranipun ilmu Joyokawijayan. Kyai Pacet kagungan siswa pinilih inggih punika :

Ø Pangeran Kalang (saking Tanggulangin)

Ø Pangeran Bedalem (saking Betak)

Ø Kyai Kasanbesari (saking dukuh tunggul)

Ø Kyai Singotaruna (saking Plosokandang)

Ø Pangeran Lembu Peteng (putra Majapahit)

Salah satunggaling dinten Kyai Pacet mejang dhumateng para siswanipun. Para siswa nyemak ilmu punika. Wonten ngriku Kyai Pacet inggih maringi pawarta , menawi salah satunggaling siswanipun wonten ingkang ngedhegaken padhepokan. Sejatosipun Kyai Pacet Kyai Pacet menawi badhe ngedhegaken padhepokan.

Siswa ingkang kasebat kalawau inggih punika Kyai Kasanbesari.Kyai Kasanbesari runtik pengalihipun kaliyan ngendikane Kyai Pacet kalawau.β¹ Kyai Kasanbesari lajeng kesah ninggalaken paguruan pacet tanpa pamit. Kagem madosi Kyai Kasanbesari ingkang kesah kalawau,Kyai Pacet lajeng utusan Pangeran Kalang kaliyan Pangeran Bedalem.Kyai Pacet utusan kekalih tiyang menika, amargi kanti sesidheman ugi dados siswanipun Kyai Kasanbesari. Saksampunipun nyusul Kyai Kasanbesari, tiyang tiga kalawau lajeng rerembugan.Pangeran Bedalem milih boten badhe nyampuri perkawisipun Kyai Kasanbesari kaliyan Kyai Pacet, lajeng Pangeran Bedalem kondur dhateng kadhipatennipun inggih menika Betak. Benten kaliyan Pangeran Kalang, piyambakipun malah sarujuk lan ngombyongi supados Kyai Kasanbesari mejahi ingkang guru. Kyai Kasanbesari kena diobong-obongi lajeng tiyang kalih wau rerembugan lajeng bidhal dhateng Bonoworo nggadhahi swedyo badhe mejahi ingkang guru, inggih punika Kyai Pacet.

Wanci punika Kyai Pacet saweg semedi wonten salah satunggaling guwa, Kyai Pacet mangutus Pangeran Lembu Peteng supados ngawasi guwa ingkang diagem Kyai Pacet semedi.Saksampunipun dugi Bonoworo,ɛ¹ Pangeran Kalang lan Kyai Kasanbesari ngrindhik saking tebih.ζ¹Pangeran Kalang lan Kyai Kasanbesari pirsa singa ingkang badhe nyerang piyambakipun saking salebeting guwa, kekalehe ugi mangertos menawi Pangeran Lembu Peteng saweg njajal.Lajeng tiyang kalih punika mlayu keweden. Kyai Pacet lajeng takon kaliyan Pangeran Lembu Peteng, napa Kyai Pacet sweg semedi, Pangeran Lembu Peteng krungu swara, inggih leres Pangeran Lembu Peteng swara gemludhug.

Papan ingkang di agem semedi kalawau diwastani GLEDHUG.

Bibar semedi, Kyai Pacet nguber siswa kekaleh kalawau.Kyai Kasanbesari mangertos menawi saweg digolekki.Kyai Kasanbesari lajeng ngetokaken ilmu kagunan aranipun.Kyai Besari kaliyan Kyai Pacet ketemu laajeng gelut. Kyai Kasanbesari mbanting uwoh kemiri, banjur kemiri mau malih dadi macan. Kyai Pacet banjur nglawan kanthi banting bungkul, bungkul mau maleh wujud dadi ula gedhe. Macan karo ula mau gelut, boten dangu, macan kagunaran kalah lajeng malih ( ganti wujud ) dados kemiri malih.

Panggonan kanggo tarung macan lan ula mau diarani desa MACANBANG.

Kyai Kasanbesari mlayu dhateng panggonan ingkang tebih.Kyai Pacet kaliyan Pangeran Lembu Peteng kondur dhateng Bonoworo. Kyai Pacet lajeng utusan siswanipun supados nyekel Kyai Kasanbesari lan Pangeran Kalang. Siswa-siswa kalawau dipun pandhegani kalian Pangeran Lembu Peteng.Pangeran Lembu Peteng lajeng budhal.Rombongan wau mbabat alas, lajeng saged manggihaken Kyai Kasanbesari lan Pangeran Kalang. Kedadosan perang ageng, perangipun pangombyong Pangeran Lembu Peteng kaliyan Kyai Kasanbesari ugi Pangeran Kalang.Kyai Kasanbesari mlayu delik ana desa Ringinpitu, Pangeran Kalang dauber terus kalian pendhereke Pangeran Lembu Peteng.

Pangeran Kalang mlayu menyang Betak lan umpetan ana tamansari, kadhipaten Betak. Wanci punika putrinipun Pangeran Bedalem saweg wonten tamansari, naminipun Roro Kembang Sore, Roro Kembang Sore mboten kawratan menawi Pangeran Kalang umpetan wonten ngriku, amargi Pangeran Kalang tasih sederekipun, inggih menika pak lik ipun Roro Kembang Sore. Pangeran Kalang adhinipun Pangeran Bedalem.

Boten dangu, Pangeran Lembu Peteng lajeng dhateng tamansari madosi Pangeran Kalang. Wonten tamansari Pangeran Lembu Peteng tepang kaliyan Roro Kembang Sore. Putri Bedalem punika boten ngaku menawi Paman (Pangeran Kalang) umpetan wonten ngriku. Pangeran Lembu Peteng nyandhang kasmaran kaliyan Roro Kembang Sore.Kembang Sore inggih mekaten, tresna kaliyan Pangeran Lembu Peteng. Wekdal Roro Kembang Sore kaliyan Pangeran Lembu Peteng ndweg langen asmara, ɛ¹ Pangeran Kalang ingkang saweg umpetan wonten tamansari ngrindhik Pangeran Lembu Peteng kaliyan Kembang Sore, ζ¹ lajeng ngertos lakune keponakanipun, Roro Kembang Sore ingkang saweg langen asmara kaliyan Pangeran Lembu Peteng, lajeng Pangeran Kalang nyariosaken perkawis menika kaliayan kakang, Pangeran Bedalem.

Mireng cariyosipun Pangeran Kalang, ndadosaken Pangeran Bedalem duka.Lajeng Pangeran Bedalem tindhak dhateng tamansari.H¹ Perkawis menika ndadosaken perangipun Pangeran Bedalem kaliyan Pangeran Lembu Peteng wonten pinggiri lepen.E¹ Lakune perang rame sanget, pungkasane Pangeran Lembu Peteng kaliyan Roro Kembang Sore saged mlayu boten nanggepi perang, ananging tansah diuber kaliyan Pangeran Bedalem.

Wangsul wonten lampahipun Kyai Kasanbesari ingkang saged mlayu saking perang nglawan Kyai Pacet rumiyin. Kyai Kasanbesari tindhak dhateng ringinpitu wonten dalemmipun ingkang kakang, inggih menika Kyai Becak. Wanci menika Kyai Becak saweg wonten padhepokan kaliyan putra-putranipun, inggih menika Banguntulak kaliyan Dadaptulak. Amargi kadhatengan Kyai Besari, putra kekalih kalawau banjur kesah menyang tegilan.Kyai Besari ngendika kaliyan Kyai Bethak, anggenipun sowan dateng ringinpitu mriki badhe ngampil pusaka ringinpitu ingkang awujud tombak arane Korowelang, alasanipun kagem ngideri pari. Ananging Kyai Becak mboten marengaken menawi pusaka menika diampil.

ŋ¹Kyai Besari runtik penggalihipun, pungkasane kedadean pasulayan antawisipun kakang adhi , punika amargi Kyai becak boten ngeparengaken ingkang pusaka diampil . θ¹Kyai Bethak lajeng seda dipun pejahi Kyai Besari.A² Kyai Kasanbesari lajeng mlayu beta pusaka korowelang wau. Wanci Banguntulak lan Dadaptulak muleh saka tegalan, putra kekalih kolowau kaget nemoni ingkang rama sampun ngglethak godres getih lan sampun seda. Sabab mboten wonten tiyang malih ingkang dhateng wonten padhepokan, wontennipun nggeh namung Kyai Kasanbesari, sampun mesthi Kyai Besari ingkang mejahi ingkang rama.

Putra kekalih kalawau banjur nguber Kyai Besari, saksampunipun kepanggih lajeng gelut.A ¹⁴Amargi tasih kuat Kyai Besari, Banguntulak kaliyan Dadaptulak kalah lajeng seda.

Banguntulak mati godres getih, getihe ambune langu.Panggonan matine Banguntulak kasebat BOYOLANGU.

Panggonan matine Dadaptulak diarani DADAPAN.

Kyai Kasanbesari ngalajengaken lampahipun. Wonten margi Kyai Kasanbesari kepanggih kaliyan Pangeran Bedalem ingkang saweg madosi Pangeran Lembu Peteng lan Roro Kembang Sore. Pangeran Bedalem nyariosaken lampahipun Roro Kembang Sore kaliyan Pangeran Lembu Peteng.Pungkasanipun Kyai Kasanbesari kersa nulungi Pangeran Bedalem madosi Pangeran Lembu Peteng.Pr⁶ Kekaleh tiyang menika lajeng sesarengan madosi Pangeran Lembu Peteng kaliyan Roro Kembang Sore.

Rs⁴Wanci punika Roro Kembang Sore kaliyan Pangeran Lembu Peteng saweg ngaso wonten pinggiring lepen kagem umpetan. Kyai Besari kepanggih Pangeran Lembu Peteng wonten ngriku. Kedadosan perang wonten ngriku. Pangeran Lembu Peteng kawon, lajeng diekel lajeng dipejahi, layonipun dikintiraken ana kali.

Kali ingkang diagem ngintiraken mayatipun Pangeran Lembu Peteng diwastani KALI LEMBU PETENG.

(Roro Kembang Sore saged mlayu saking peperangan menika.)

Pendherek ingkang momong Pangeran Lembu Peteng awit alit mireng perkawis menika, lajeng nyariosaken sedanipun Pangeran Lembu Peteng dhateng Kyai Pacet. Kyai Pacet duka, lajeng utusan Adhipati Trenggalek ingkang sesarengan kaliyan pendherekipun Pangeran Lembu Peteng kagem ngaturaken perkawis menika dhateng Majapahit, amargi Pangeran Lembu Peteng inggih menika Putra Majapahit. Wonten tengahing margi, pendherek Pangeran Lembu Peteng kalawau kepanggih kaliyan Prajurit ( Prawiro ) Majapahit, kaliyan Pangeran Suka ingkang sampun mangertos pawarta sedanipun Pangeran Lembu Peteng lan kapingin mbuktekaken pawarta kasebut. Sedaya prajurit disebar, ananging mayatipun Pangeran Lembu Peteng mboten saged dipun panggihaken. Para Prajurit nggih madosi tiyang ingkang sampun wanton mejahi Pangeran Lembu Peteng.

Boten dangu, Pangeran Bedalem mireng pawarta menawi piyambakipun digolekki tentara Majapahit, piyambakipun badhe dipateni amargi sampun wanton mejahi Pangeran Lembu Peteng.Pangeran Bedalem ajrih sanget, lajeng tindhak ngalor. Amargi ajrih sanget lajeng Pangeran Bedalem nglalu nyemplung wonten kedhung. Pangeran Bedalem seda.

Kedung wau, sakmenika diwastani KEDUNG BEDALEM.

Sapaninggalanipun Pangeran Bedalem, panggonan Betak boten kagungan pangarso. Pungkasanipun Pangeran Kalang dipun winisudo dados Adhipati Betak.

Bala tentara Majapahit madosi Kyai Kasanbesari. Pangeran Suka madosi Kyai Kasanbesari sesarengan kalian prajurit Majopahit, ananging Pangeran Suka kepleset wonten salah satunggaling kedung.

Kedung kalawau, sakmenika diwastani KEDUNGSAKA.

Pungkasan Kyai Kasanbesari saged ditemokaken wonten dalemmipun, inggih menika desa tunggul dening Prawira saking Majapahit, naminipun Prawira Mada. Ananging Kyai Besari tansah nglawan, dadosakem perang.I¹Amargi Perwira Mada saking Majapahit kalawau langkung sekti, boten dangu Kyai Kasanbesari kalah amargi saking Pusakanipun piyambak, inggih menika Korowelang.

Panggonan sedanipun Kyai Kasanbesari, sakmenika dening Prawira Madya disebat TUNGGULSARI.

Kacariyos, margi kacakapanipun Perwira Mada numpes lan mberantas prahara wonten Majapahit, dadosaken Perwira Mada diangkat dados Patih. Prawira Mada diparingi gelar, PATIH GAJAH MADA.

Saksampunipun diangkat dados adhipati Betak, Pangeran Kalang nyandhang kasmaran kaliyan Roro Inggit.Roro Inggit menika yayi saking Reta Mursodo (ibunipun Roro Kembang Sore).Pangeran Kalang kagungan kepinginan badhe nggarwa Roro Inggit.Ananging Roro Inggit boten kersa amargi sampun nganggep Pangeran Kalang sedherekipun.Reta Musodo ugi boten setuju kaliyan kekarepanipun Pangeran Kalang.A¹⁶ Ananging Pangeran Kalang langkung meksa, kekarepanipun boten saged dipun penggak kekarepanipun badhe mundhut Roro Inggit dados garwanipun.Roro Inggit kaliyan Reta Musodo lajeng mlajar tindhak dhateng Plosokandhang.Pangeran Kalang nguber kekalihe, ananging ical lampahipun Roro Inggit.Boten saged dauber. Perkawis menika dadosaken Pangeran Kalng murka lan damel woro-woro. Sinten kemawon ingkang mangertos panggonanipun kekalih puti betak kalawau lajeng boten lapor kaliyan Adhipati Betak, badhe dihukum gantung.

Salah satunggaling siswa Kyai Majapahit manggen wonten Plosokandhang naminipun Kyai Singotaruno. Salah satunggaling dinten Kyai Singotaruno ketepang kaliyan Roro Inggit lan Reta Musodo. Lajeng Putri Betak menika ngandharaken kekajenganipun, inggih menika kagem anyuwun pangayoman dhateng Kyai Singotaruna saking Pangeran Kalang .Sedaya kawontenan kaliyan kedadosan ingkang saweg lampahi Roro Inggit kaliyan Reta Musodo dicariyosaken dhateng Kyai Singotaruna. Kyai Singotaruna rumaos prihatin mireng babagan kasebat,saklajengipun Kyai Singotaruna kersa dados pengayomannipun Roro Inggit lan Reta Musodo, nadyan piyambakipun mangertos menawi tindakannipun saged ndadosaken leampahan ingkang kirang sae kagem piyambakipun.

Boten dangu, Pangeran Kalang tindhak dhateng Plosokandhang, Pangeran Kalang nyuwun pirsa kaliyan Kyai Singotaruna menapa wonten tamu saking Kadhipaten Betak. Ananging Kyai Singotaruna ngendika boten wonten tamu sinten-sinten. Pangeran kalang boten percados babagan ngendikanipun Kyai Singotaruna lajeng anggledhah Plososkandhang. Mireng menawi Pangeran Kalang wonten ngriku, Roro Inggit kaliyan Reta Musodo nedyo badhe mlayu, ananging sampun konangan Pangeran Kalang. Mangertos menawi Kyai Singotaruna dora, pungkasannipun Kyai Singotaruna dipun hukum gantung.Kyai Singotaruna lajeng gugur (seda).

Roro Inggit kuciwa sanget dhateng Pangeran Kalang.Pangeran Kalang boten duwe sifat kang becik saklumrahe manungsa. Roro Ringgit ugi ajrih badhe dipun garwa kaliyan Pangeran Kalang, Perkawis menika dadosaken Roro Inggit bingung bilunglungan. Roro Inggit lajeng nyemplung wonten njeroning blumbang utawa beji. Wonten ngriki Roro Inggit manggihi ajallipun.

Panggonan blumbang sedane Roro Inggit, sakmenika diarani BEJI.

Wanci Pangeran Lembu Peteng perang kaliyan Kyai Kasanbesari, Roro Kembang Sore saged mlayu saking paprangan menika. Saktebihing panggenan Roro Inggit mlajeng dugi wonten salah satunggiling desa, arannipun desa Dadapan. Wonten saklebeting desa Dadapan menika, urip randha naminipun Mbok Randha Dadapan. Roro Kembang Sore nunut urip wonten dalemmipun Mbok Randha Dadapan. Mbok Randha kagungan putra satunggal naminipun Joko Bodo. Wonten ngriku, Roro Kembang Sore ngrewangi Mbok Randha tani wonten tegalan kangge nyukupi kabetahan gesang. (a¹) Witing tresna jalaran saka kulina, sansaya dangu, Joko Bodho tresna kaliyan Roro Kembang Sore amargi lakunipun kaliyan parasipun ingkang ayu.Joko Bodho gadhah kapinginan nggarwa Kembang Sore.Kembang Sore tasih tresno kaliyan Pangeran Lembu Peteng lajeng nolak Joko Bodho kanthi alus.

Ananging Joko Bodho tansah meksa kekarepane supados Roro Kembang Sore purun dados garwanipun.Salah satunggiling dinten Mbok Randha saweg tindak tebih. Amargi tansah dipeksa kaliyan Joko Bodho, Roro Kembang Sore banjur ngutus Joko Bodho kagem Semedi bisu wonten salah satunggiling gunung ing desa Dadapan. Sakumpami Joko Bodho saged nglampahi semedi kalawau, Roro Kembang Sore purun didadosaken garwanipun. Joko Bodho nyanggupi kekajenganipun Roro Kembang Sore menika lajeng semedi bisu wonten gunung. G ² Roro Kembang Sore ugi nglajengaken lampahipun medal saking desa Dadapan mbabat alas, mlampah wonten dhuwuripun lemah.

Mbok Randha Dadapan kondur, mangertos dalemmipun sepi, Mbok Randha lajeng nimbali putranipun . Annaging boten wonten wangsulan. Mbok Randha Dadapan madosi Joko Bodho wonten desa, tekan wonten gunung, tepang kaliyan Joko Bodho wonten ngriku. Mbok Randha Dadapan nimbali Joko Bodho, ananging boten diwangsuli kaliya Joko Bodho amargi tasih semedi bisu. Penggalihipun Mbok Randha anyel lajeng ngendika :

Mbok Randha : “Bocah kok diceluk meneng wae kaya watu, wes dadio watu pisan kono.”

Saknalika amargai kena sepatane Mbok Randha Dadapan, Joko Bodho malih wujud dadi watu.Mbok Randha gela kaliyan sepatane kalawau sing kedadeyan temenan.

Gunung watu wujud Joko Budheg kalawau sakmenika dipunwastani GUNUNG BUDHEG

Salah satunggiling dinten, Adhipati Betak inngih menika Pangeran Kalang mireng wonten pandita estri kang kondhang kasektiannipun, anami Resi Winadi. O Resi Winadi inggih menika Roro Kembang Sore ingkang saweg nyamar dados pandhita wonten Gunung cilik. T Kembang Sore ngadegaken desa wonten Gunung cilik. Saksanesipun dados pandita sekti, piyambakipun ugi dados Mpu inggah pedamelanipun damel keris. Resi winadi kagungan adbi kinasih kalih, inggih punika Sarwo lan Sarwono.

Dinten menika, Sarwono dipunutus Resi Winadi lunga menyang Kadhipaten Betak nggadhahi tujuan kagem ngaben pusakanipun ingkang nembe dados dipun damel piyambak kaliyan Resi Winadi. (Roro Kembang Sore kapingin mbuktikake kaliyan ingkang paman menawi tasih wonten tiyang ingkang langkung sekti tinimbang Pangeran Kalang).

Caranipun ngaben inggih mekaten :

Pusaka ditancap wonten salah satunggaling wit ringin. Saumpami wit ringin kalawau ronnipun gogrok lan witte ambruk, pusak menika ingkang menang.

Saumpami Resi Winadi kalah, Resi kersa dipunutus napa kemawon kaliyan Adhipati Betak. Ananging menawi Pangeran Kalang kalah lan kapingin nggadhahi pusakanipun Resi, Pangeran kedah mlampah ndhodhok tindak dhateng Gunung Cilik. Boten pareng mirsani Resi Winadi sakderengipun dipun keparengaken kaliyan Sang Resi.

Sarwo lajeng tindak dhateng Kadhipaten Betak, tepang kaliyan Pangeran Kalang.Sarwo ngaturaken tujuannipun kagem ngaben pusaka lan uba rampe saksampunipun ngaben. Pangeran Kalang nyagahi perkawis menika.Tiyang kekalih lajeng tindha dhateng alun-alun ngasta pusakanipun piyambak-piyambak. Pangeran Kalang nancepaken pusakanipun wonten wit ringin, nanging boten kedadean kahanan menapa-napa. Lajeng Sarwo nancep pusakanipun ing wit ringin, wit banjur ambruk lan ronnipun ambrol. Sarwo menang.

(a²)² Pangeran Kalang ngaku kalah.Pangeran kalang kapingin nggadhahi pusaka menika.Sarwo nyanggupi, miturut uba rampe kalawau, Pangeran Kalang kedah nglampahi mlampah ndhodhok dhateng Gunung cilik.

Sarwono dipun utus Resi Winadi nyamar dhateng Adhipati Betak, kagem nyabut sumbat ijuk wonten tamansari, Resi Winadi mangertos sumbat ijuk kalawau, amargi piyambakipun putri Betak. Sarwono lajeng menyang Betak, dugi tamansari Sarwono nyabut sumbat ijuk sing panggenanne wonten ngandhap watu gilang. Kadhipaten Betak banjir karendhem toya , Sarwono saged mlayu lan slamet amargi numpak gethek.

Q Reta Musodo kepanggih putrinipun, inggih menika Roro Kembang Sore wonten Gunung cilik ingkang saweg nyamar dados Resi Winadi. Kembang Sore kaliyan Ibu sami sami nyariosaken kahannipun lan kedadosan ingkang dioun lampahi. Kekalihe bungah sanget amargi saged kepanggih malih kaliyan Gusti kang Maha Kuasa. Sarwono dhateng kagem ngaturaken menawi parintahipun Resi sampun dilampahi. Boten dangu Patih Majapahit dhateng wonten Gunung cilik manggihi Roro Kembang Sore kaliyan badhe nyuwun pirsa kedadosan ingkang saged ndadosaken Pangern Lembu Peteng seda. Sedaya kedadean dicariyosaken Kembang Sore.

Saking tebih dhateng kaleh tiyang, setunggal mlampah ndhodhok, setunggale maleh ngiringi.Tiyang kaleh menika Pangeran Kalang kaliyan Sarwo ingkiang ngaben pusaka kalawau.Saksampunipun dugi ngajeng Resi Winadi, Pangeran Kalang dipunutus Resi mirsani Sang Resi. Pangeran kaget lan isin amargi tiyang ingkang dipunsembah-sembah lan dipunmulyakaken kaliyan piyambakipun, inggih menika Roro Kembang Sore, ponakannipun. Amargi isin, Pangeran Kalang lajeng mlayu. Bala tentara ingkang penggalihipun sampun anyel lajeng nguber Pangeran Kalang.U Pangeran Kalang mlayu banter mbabat alas, kaliyan tentara Majapahit dipanah ngagem panah ingkang lancip, agemanipun Pangeran Kalang risak, sowek-sowek.Badannipun kebak memala, lajeng Pangeran Kalang saged ditangkep tentara Majapahit.

Panggonan ingkang dipun agem kangge nangkep Pangeran Kalang sakmenika diwastani CUWIRI

Meski sampun kebak mala bandannipun, ananging Pangeran Kalang tasih saged ucul lan mlayu ngliwati alas kanthi akeh wit-witan, agemannipun kaberet-beret. Ananging kanthi sigep Patih Gajahmada saged nangkep Pangeran Kalang malih.

Panggonan kagem nangkep sakmenika dipun wastani KALANGBRET( amargi Pangeran Kalang kaberet-beret).

I⁵Adhipati Betak kalawau saged mlayu supados boten saged ditekel malih, ananging Adhipati sampun lesu, lajeng umpetan wonten song kali. Ngantos Pangeran Kalang ketepangan ajallipun.

Panggenan kalawau sakmenika diwastani KALINGESONG.

Rumaos kahanannipun sampun aman amargi Pangeran Kalang sampun seda, ↓bala tentara Majapahit kondor malih dhateng Majapahit.N Utusan sampun rampung. Layonipun Pangeran Kalang kalawau dangu-dangu kabeta iliripun kali ngantos tebih menyang wetan dugi salah satunggaling panggonan.

Panggonan ditemokaken mayat menika dipun wastani BATANGSAREN (saking batang arannipun layon wonten basa jawai)

Boten dangu layon menika kentir malih dumugi Ngrowo.Wiwit kedadean kalawau sedaya panggenan ingkang dados papan kedadean kalawau diwastani NGROWO ( kathah rowo-rowo ). NGROWO lajeng digantos naminipun dados TULUNGAGUNG. Amargi panggonan kalawau kagungan sumber toya ingkang ageng.

Ø TULUNG : sumber toya

Ø AGUNG : gedhe / ageng.

umahe wong jawa

Lagu Dolanan

Selasa, 10 Desember 2013

Tidak ada komentar:

Posting Komentar