cerita wayang

Irawan maling

              Irawan lan Antasena rampung nyaksekake matine Bambang Jenggala banjur ngembara. Ana ing ngembarane kuwi, kelorone teka ing nagari Ngastina, melbu ing njerone istana kanti wani banget. Irawan nggawa mlayu jaranne Raja lan Antasena nggawa mlayu gajahipun Prabu Duryuana lan gendera Ngastina. Asil anggone maling kuwi mau digawa lan banjur kelorone bali menyang panggonan tapa yaiku Yasarata, panggonanne bambang Irawan.

               Para Kurawa nyusun usaha supaya isa nangkep kelorone, tapi ora kasil sabab para maling kuwi pinter. Kangge nutup gagale kuwi mau, Begawan Drona nglaporake dhateng Prabu Duryudana yen sing maling kuwi mau yaiku Gatotkaca lan Angkawijaya . Kangge ukuman luwih apik yen diwenehake kakanganne Pandhawa yaiku Prabu Yudhistira. Yudhistira nampa aduan saka Adipati Karna sing dikongkon Nakula lunga menyang Madukara. Wektu kuwi Arjuna nampa laporan, Nakula kaget  amarga wektu kedadean kuwi Angkawijaya lan Gatutkaca ora lunga lan ana ning kasatrian.

               Arjuna banjur ngongkon Angkawijaya lan Gatutkaca nggoleki maling kuwi. Ning ndalan kelorone ketemu karo Irawan lan Antasena nang Yasarata, kelorone usaha nagkep , tapi Irawan lan Antasena kasil kabur. Banjur Irawan melbu nang Istana Gajah Oya . Ana kana Irawan banjur hubungan gelap karo Tisnawati putrine Prabu Jayadimurti sing lagi dilamar Duryudana. Wektu kuwi Jayaimurti melbu keputren, kanti cepet Irawan kasil kabur maneh, banjur kedadean kuwi dilaporake Duryudana.

             Bubar ninggalake Gaja Oya , Irawan durung puas, banjur melbu ana Astina lan hubungan gelap karo Lesmanawati putri Duryudana. Wektu meh dikecel, Irawan bisa lolos maneh. Banjur Suyudana nyerang Ngamarta merga yakin len maling kuwi mau Angkawijaya.Ning panggonan liya, Angawijaya karo Semar, Gareng Petruk Bagong keturon amarga kekeselen anggene nguber maling.

              Irawan banjur nyolong kerise Angkawijaya, tapi wonge ora untung amarga wektu kasil gawa keris mau ujug-ujug wonge semaput banjur digawa mulih Antasena menyang Yasarata. Angkawijaya sing kelangan keris mau ngongkon Semar nggoleki, banjur abdine kuwi teka nang Yasarata lan keris kuwi isa balik maneh nang Semar. Wektu keris kuwi digawa, Irawan tangi lan mari banjur ngiuber Semar. Kedadean perang Irawan nganggo panah Saratama nglawan Angkawijawa nganggo panah Pasopati. Kelorone munggah neng awing-awang. Banjur Kresna teka lan ndudohake ten kelorone kuwi sedulur sebapak beda biyung, putra Arjuna diprentahake mandhegake perang. Kurawa sing nyerang Ngamarta bisa diusir Arjuna